Knanaya live webcast
Ente Uzhavoor Logo
BREAKING NEWS
Welcome to enteuzavoor.com
LATEST NEWS

 ഫലം പുറത്തുവന്നു: ഇനിയേതു വഴിക്ക്?

ഉഴവൂര്‍: ഹയര്‍ സെക്കന്‍ഡറി പരീക്ഷാഫലം വന്നതോടെ ഇനി ഏതു കോഴ്‌സിനു ചേരുമെന്നതാണ് പ്ലസ് ടു വിജയിച്ച വിദ്യാര്‍ഥികളുടെ മുന്നിലുള്ള ഇപ്പോഴത്തെ പ്രധാന ചോദ്യം. ജോലിസാധ്യത കൂടുതലുള്ള കോഴ്‌സുകളാണു കൂടുതല്‍ പേരും ലക്ഷ്യമിടുന്നത്. ചിലര്‍ ഇഷ്ടവിഷയങ്ങള്‍ ഉപരിപഠനത്തിനു തിരഞ്ഞെടുക്കുമ്പോള്‍ പരീക്ഷണാടിസ്ഥാനത്തില്‍ കോഴ്‌സുകള്‍ തിരഞ്ഞെടുക്കുന്നവരും ഏറെയുണ്ട്. മാര്‍ക്ക് കുറഞ്ഞുപോയവര്‍ക്കും നിരാശയ്ക്കിടയാക്കാത്തവിധം തൊഴില്‍ഭദ്രതയും സാമ്പത്തിക സുരക്ഷയും ഉറപ്പു നല്‍കുന്ന കോഴ്‌സുകള്‍ തിരഞ്ഞെടുക്കാനാകുമെന്നു കരിയര്‍ ഗൈഡന്‍സ് വിദഗ്ധര്‍ പറയുന്നു.

കോഴ്‌സിനോടുള്ള താല്‍പര്യം, കുട്ടിയുടെ പഠനശേഷി, തൊഴില്‍ സാധ്യതകള്‍, ഉപരിപഠനത്തിനുള്ള വഴികള്‍ തുടങ്ങിയ കാര്യങ്ങള്‍ കോഴ്‌സ് തിരഞ്ഞെടുക്കുമ്പോള്‍ ശ്രദ്ധിക്കണം. മുന്‍പു പ്ലസ് ടു കഴിഞ്ഞാല്‍ എന്‍ജിനീയറിങ്, മെഡിക്കല്‍ കോഴ്‌സുകള്‍ എന്നിവയിലേക്കായിരുന്നു കൂടുതല്‍ പേരുടെയും ശ്രദ്ധയെങ്കില്‍ ഇന്നു കൊമേഴ്‌സ് അടിസ്ഥാനപ്പെടുത്തിയുള്ള പ്രഫഷനല്‍ കോഴ്‌സുകള്‍ക്കു പ്രിയമേറിയിട്ടുണ്ട്. പാരാമെഡിക്കല്‍ കോഴ്‌സുകള്‍ തിരഞ്ഞെടുക്കുന്നവരുടെ എണ്ണവും കൂടിയിട്ടുണ്ട്.

എന്‍ജിനീയറിങ്ങില്‍ ഐടി, ഇലക്‌ട്രോണിക്‌സ് എന്നീ കോഴ്‌സുകള്‍ക്കു ജോലിസാധ്യത കൂടുതലുണ്ട്. ഇന്‍സ്ട്രുമെന്റേഷന്‍, ഡെയറി ടെക്‌നോളജി, പെട്രോളിയം എന്‍ ജിനീയറിങ് തുടങ്ങിയ കോഴ്‌സുകള്‍ കേരളത്തിനു പുറത്തും വിദേശത്തും ജോലി സാധ്യതയുള്ളവയാണ്. സംസ്ഥാനത്തെ
പോളിടെക്‌നിക്കുകളിലും ഐടിഐകളിലും തൊഴിലധിഷ്ഠിത സാങ്കേതിക വിദ്യാഭ്യാസം നല്‍കുന്നു. ഇവിടത്തെ പഠനംവഴി മികച്ച വിദേശ കമ്പനികളിലടക്കം തൊഴില്‍ ലഭിക്കുന്നതിനു സാധ്യതയുണ്ട്.

ആര്‍ട്‌സ് ആന്‍ഡ് സയന്‍സ് കോളജുകളിലെ ബിഎ, ബിഎസ്‌സി കോഴ്‌സുകള്‍ തിരഞ്ഞെടുക്കുന്നവരും ഏറെയാണ്. സിവില്‍ സര്‍വീസ് ലക്ഷ്യം വയ്ക്കുന്നവര്‍ക്ക് ഇത്തരം കോഴ്‌സുകള്‍ക്കൊപ്പം പരീക്ഷയ്ക്കാവശ്യമായ തയാറെടുപ്പും നടത്താം. പത്രപ്രവര്‍ത്തനവുമായി ബന്ധപ്പെട്ട് അച്ചടി, ദൃശ്യ, ശ്രാവ്യ മേഖലകളില്‍ തൊഴില്‍ അവസരങ്ങള്‍ ദിനംപ്രതി വര്‍ധിച്ചുവരികയാണ്. ഈ മേഖലയില്‍ തിളങ്ങുന്നതിനു പരിശീലനം നല്‍കുന്ന സ്ഥാപനങ്ങള്‍ സംസ്ഥാനത്തുതന്നെയുണ്ട്. വിഷ്വല്‍ കമ്യൂണിക്കേഷന്‍, എഡിറ്റിങ്, ഗ്രാഫിക് ഡിസൈനിങ് തുടങ്ങിയ കോഴ്‌സുകളെല്ലാം മികച്ച തൊഴില്‍ സാധ്യതയുള്ളവയാണ്.

..

നഷ്ടം സഹിക്കാനാവുന്നില്ല; കടുംവെട്ടിന് കര്‍ഷകര്‍

ഉഴവൂര്‍: വിലത്തകര്‍ച്ച താങ്ങാനാകാതെ റബര്‍ കര്‍ഷകര്‍ തോട്ടങ്ങളില്‍ കൂട്ടത്തോടെ കടുംവെട്ടു നടത്തുന്നു. റബര്‍ വെട്ടുകാരനുമായി പങ്കുചേര്‍ന്നാണു കടുംവെട്ടു നടത്തുന്നത്. ഷീറ്റ് വിറ്റുകിട്ടുന്ന തുകയുടെ പകുതി കര്‍ഷകനു നല്‍കണമെന്ന കരാറിലാണിത്. റബര്‍ കൃഷിക്കുള്ള ചെലവും കര്‍ഷകനും വെട്ടുകാരനും തുല്യമായി വഹിക്കണം.

എങ്ങനെ നോക്കിയാലും ഈ രീതിയും റബര്‍ കര്‍ഷകനു നഷ്ടമാണെന്നും ജീവിക്കാന്‍ വേറെ വഴിയില്ലാത്തതു കൊണ്ടാണു കര്‍ഷകര്‍ കടുംവെട്ടിലേക്കു തിരിയുന്നതെന്നും വര്‍ഷങ്ങളായി റബര്‍ കൃഷി ചെയ്യുന്നവര്‍ പറയുന്നു. ചെറുകിട കര്‍ഷകരില്‍ മിക്കവരും തോട്ടങ്ങളില്‍ ഇടവിളയായി കൊക്കോ, ജാതി തുടങ്ങിയ കൃഷി ചെയ്യാനാരംഭിച്ചിരിക്കുകയാണ്.

തൊഴിലാളികളെ വയ്‌ക്കേണ്ട കാര്യമില്ലെന്നതും ഒന്നരവര്‍ഷത്തിനുള്ളില്‍ പൂവിടുമെന്നതുമാണു കൊക്കോ കൃഷിയിലേക്കു കര്‍ഷകരെ ആകര്‍ഷിക്കുന്നത്. നേരത്തേ, ഇടവിളയായി ആഞ്ഞിലിയും മഹാഗണിയും കൃഷിചെയ്തിരുന്നവര്‍ റബര്‍ ബോര്‍ഡിന്റെ സബ്‌സിഡി കിട്ടാനായി അത്തരം മരങ്ങള്‍ വെട്ടിനശിപ്പിച്ചിരുന്നു. അവസാനം, സബ്‌സിഡിയുമില്ല, ഷീറ്റിനു വിലയുമില്ല എന്ന അവസ്ഥയിലായി കൃഷിക്കാര്‍. റബര്‍ വില കുത്തനെ കുറഞ്ഞതോടെ വീണ്ടും ഇടവിളകളിലേക്കു തിരിഞ്ഞിരിക്കുകയാണു റബര്‍ കര്‍ഷകര്‍.

..

ആദരാഞ്ജലികള്‍

Entertainment

ഉഴവൂരിലെ സങ്കര സംഗമം -- ഭാഗം 4(2) . ജോണ്‍ കരമ്യാലിൽ,

..

ലേഖനവുമായി ബന്ധപ്പെട്ട അഭിപ്രായങ്ങള്‍ ലേഖന കര്‍ത്താവിന്റേത്‌ മാത്രമാണ്‌. എന്റെഉഴവൂര്‍.കോം-ന്റേത്‌ അല്ല. അത്തരത്തിലുള്ള തെറ്റിദ്..

Opinion Poll

ഉഴവൂരിലെ സര്ക്കാര് മദ്യവില്പനശാല പൂട്ടണമോ

പൂട്ടരുത്
പൂട്ടാന് രാഷ്ട്രീയക്കാര് അനുവദിക്കില്ല
പൂട്ടണം
പൂട്ടരുത്
37.6543209877 % 183 votes
പൂട്ടാന് രാഷ്ട്രീയക്കാര് അനുവദിക്കില്ല
2.88065843621 % 14 votes
പൂട്ടണം
59.4650205761 % 289 votes

റിയൽ എസ്റ്റേറ്റ്

plot for sale...

07 Thu, May, 2015

Plot for sale...

27 Fri, March, 2015

PLOT FOR SALE...

14 Fri, November, 2014


സൊസൈറ്റി രൂപീകരിച്ചു

മോനിപ്പള്ളി: ഉഴവൂര്‍ പഞ്ചായത്തിലെ വികസനം ലക്ഷ്യമിട്ട് പഞ്ചായത്തിലെ പതിമൂന്ന് വാര്‍ഡുകളെയും ഉള്‍പ്പെടുത്തി രാജീവ് ഗാന്ധി റൂറല്‍ ഡെവലപെമെന്റ് സൊസൈറ്റി രൂപീകരിച്ചു. മുന്‍ പഞ്ചായത്ത് പ്രസിഡന്റ് മാത്യൂ ജോസഫ് അദ്ധ്യക്ഷത വഹിച്ചു. ജോയി ജോസഫ് കിഴക്കേകുറ്റ്, ബെന്നിജോര്‍ജ്ജ് പാലയ്ക്കത്തടം, എബ്രാഹം സിറിയക്ക് എന്നിവര്‍ പ്രസംഗിച്ചു. സൊസൈറ്റി ഭാരവാഹികളായി മാത്യുജോസഫ് നീറാംപുഴ (പ്രസിഡന്റ്) ജോയി ജോസഫ് കിഴക്കേക്കുറ്റ് (വൈസ് പ്രസിഡന്റ്), എബ്രാഹം സിറിയക്ക് (സെക്രട്ടറി), ജോസഫ് ജെയിംസ് കൈതക്കുളത്ത് പുത്തന്‍പുര (ജോ. സെക്രട്ടറി), അനീഷ് വിജയന്‍ കുറുപ്പന്തറയില്‍ (ഖജാന്‍ജി) എന്നിവരെ തെരഞ്ഞെടുത്തു.

..

add8

കുഞ്ചറക്കാട്ട്‌ കെ.കെ. ചാക്കോ (കുട്ടപ്പന്‍ - 84) നിര്യാതനായി

അരീക്കര: കുഞ്ചറക്കാട്ട്‌ കെ.കെ. ചാക്കോ (കുട്ടപ്പന്‍ - 84) നിര്യാതനായി. സംസ്‌കാരം നാളെ പത്തിന്‌ അരീക്കര സെന്റ്‌ റോക്കീസ്‌ പള്ളിയില്‍. ഭാര്യ അന്നമ്മ കൈപ്പുഴ നരിച്ചിറയില്‍ കുടുംബാംഗം. മക്കള്‍: മേഴ്‌സി, ലൂസി, എത്സമ്മ, ചാക്കോ (കാനഡ), ആന്‍സി, സെലീന, ജെസി (മുംബൈ), സിസ്റ്റര്‍ ദയ എസ്‌ജെസി (ജോസ്‌ഗിരി കോണ്‍വന്റ്‌, ഏറ്റുമാനൂര്‍), സിജു (കുട്ടന്‍), ഷിബു. മരുമക്കള്‍: കെ.പി.ജോര്‍ജ്‌ കുന്നക്കാട്ട്‌ (പേരൂര്‍), മാത്യു ലൂക്കോസ്‌ എടാട്ടുകുന്നേല്‍ (അരീക്കര), എ.ജെ. ജോണി ആലുങ്കല്‍ (മ്രാല), ജൂലി വൈക്കത്ത്‌, പത്തനംതിട്ട (കാനഡ), കെ.ജെ. തോമസ്‌ കൂട്ടിയാങ്കല്‍ (പുന്നത്തുറ), ഷിനു കുര്യാക്കോസ്‌ കുന്നുംപുറത്ത്‌ (വഴിത്തല), എം.കെ. തങ്കച്ചന്‍ മുല്ലപ്പള്ളിയില്‍ (കരിങ്കുന്നം), ബീന ചീക്കപ്പാറയില്‍ (ഉഴവൂര്‍), ബിന്‍സി പുതുശേരിയില്‍ (കിടങ്ങൂര്‍).

..

സ്‌കൂള്‍ വണ്ടികളില്‍ സുരക്ഷിതയാത്ര; കുത്തി നിറച്ചാല്‍ പൊലീസ്‌ പിടിക്കും

ഉഴവൂര്‍: പുതിയ അധ്യയനവര്‍ഷം ആരംഭിക്കാന്‍ ഇനി പന്ത്രണ്ടുനാള്‍ മാത്രം. സ്‌കൂള്‍ കുട്ടികളുടെ സുരക്ഷിത യാത്രയെക്കുറിച്ച്‌ മാതാപിതാക്കള്‍ ആശങ്കാകുലരാണ്‌. നാടിന്റെ വിവിധഭാഗങ്ങളില്‍ റോഡ്‌, പാലം, ഓട തുടങ്ങിയവയുടെ നിര്‍മാണ പ്രവര്‍ത്തനങ്ങള്‍ നടന്നുവരുന്നു. 

ഈ പശ്‌ചാത്തലത്തില്‍ സ്‌കൂള്‍ തുറക്കുന്ന ജൂണ്‍ ഒന്നു മുതല്‍ വിദ്യാര്‍ഥികളുടെ യാത്രാ സുരക്ഷിതത്വം എങ്ങനെ ഉറപ്പു വരുത്താമെന്നത്‌ നാടിന്റെ തന്നെ വേവലാതിയാണ്‌. നാട്‌ മുന്നോട്ട്‌ വയ്‌ക്കുന്ന ചില നിര്‍ദ്ദേശങ്ങളിങ്ങനെ. 

1. സ്‌കൂളുകളില്‍ സുരക്ഷാസമിതികള്‍ രൂപീകരിക്കുക. ഓട്ടോറിക്ഷകളില്‍ മുതിര്‍ന്ന കുട്ടികളാണെങ്കില്‍ മൂന്നും ചെറിയ കുട്ടികളാണെങ്കില്‍ ആറും പേരെ മാത്രം കയറ്റുക. ഡ്രൈവര്‍ സീറ്റില്‍ കുട്ടികളെ ഇരുത്താന്‍ പാടില്ല. 

2. സ്‌കൂള്‍ വാഹനം ഓടിക്കുന്ന ഡ്രൈവര്‍മാര്‍ക്ക്‌ 10 വര്‍ഷത്തെ പ്രവൃത്തിപരിചയം ഉണ്ടായിരിക്കണം. ക്രിമിനല്‍ കേസുകളില്‍ ഉള്‍പ്പെടാത്തവരാകണം. ബസുകളില്‍ പഠനസമയത്ത്‌ എല്ലാ ദിവസവും കണ്‍സഷന്‍ അനുവദിക്കണം. 

3. ലൈസന്‍സും ഹെല്‍മറ്റും ഇല്ലാതെയും മൂന്നുപേര്‍ യാത്ര ചെയ്‌തും ഇരുചക്ര വാഹനങ്ങളില്‍ വിദ്യാര്‍ഥികള്‍ വരുന്നത്‌ സ്‌കൂള്‍ അധികൃതര്‍ തടയണം. അങ്ങനെയുള്ളവരുടെ വിവരം പൊലീസില്‍ അറിയിക്കണം. ഇവര്‍ക്കെതിരെയും മാതാപിതാക്കള്‍ക്കെതിരെയും നിയമനടപടികള്‍ സ്വീകരിക്കും. 

4. സ്‌കൂളുകളില്‍ കുട്ടികള്‍ മൊബൈല്‍ ഫോണ്‍ കൊണ്ടുവരുന്നതു മാതാപിതാക്കളും അധികൃതരും വിലക്കണം. 

5. റോഡ്‌ കുറുകെ കടക്കുമ്പോള്‍ സീബ്രാ വരകള്‍ ഉപയോഗപ്പെടുത്താന്‍ ശ്രദ്ധിക്കണം. 

6. സ്‌കൂളുകളില്‍ പരാതിപ്പെട്ടികള്‍ സ്‌ഥാപിക്കണം. ഇവ പൊലീസ്‌ പരിശോധിക്കണം.

7. സ്‌കൂളുകളില്‍ പൊലീസ്‌-എക്‌സൈസ്‌-മോട്ടോര്‍ വെഹിക്കിള്‍ വകുപ്പുകളുടെ നേതൃത്വത്തില്‍ ബോധവല്‍ക്കരണ ക്‌ളാസുകള്‍ നടത്തണം. 

8. കുട്ടികള്‍ ബാഗില്‍ കളര്‍ ഡ്രസ്‌ ഒളിപ്പിച്ചു കൊണ്ടുവരുകയും യൂണിഫോം മാറ്റി ഈ ഡ്രസ്‌ ധരിച്ച്‌ പുറത്തു കറങ്ങി കുറ്റകൃത്യങ്ങളില്‍ ഏര്‍പ്പെടുകയും ചതിക്കുഴിയില്‍ വീഴുകയും ചെയ്യുന്നു. ഇതുതടയാന്‍ രക്ഷിതാക്കളും സ്‌കൂള്‍ അധികൃതരും ബാഗുകള്‍ എല്ലാദിവസവും പരിശോധിക്കണം. 

9. സ്‌കൂളില്‍ കുട്ടികളെ കൊണ്ടുവരുന്ന വാഹനങ്ങളുടെ നമ്പരുകള്‍ രേഖപ്പെടുത്താന്‍ സ്‌കൂളില്‍ പ്രത്യേകം റജിസ്‌റ്റര്‍ ബുക്കുകള്‍ ഉണ്ടാക്കണം. നമ്പര്‍ രേഖപ്പെടുത്തുകയും ചെയ്യണം. 

10. സ്‌കൂളിനു മുന്‍വശത്ത്‌ അനധികൃത വാഹന പാര്‍ക്കിങ്‌ പാടില്ല. നിയമം ലംഘിക്കുന്നവര്‍ക്കെതിരെ കര്‍ശനനടപടി പൊലീസ്‌ സ്വീകരിക്കണം.

..

മഴക്കാല പൂര്‍വ ശുചീകരണം: സര്‍ക്കാര്‍ ഓഫീസുകള്‍ ശുചീകരിക്കും

ഉഴവൂര്‍: മഴക്കാല രോഗങ്ങള്‍ തടയുന്നതിന്‌ ജില്ലാ ഭരണകൂടം ആരോഗ്യവകുപ്പും ഇതര വകുപ്പുകളുമായി ചേര്‍ന്നു വിവിധ നടപടികള്‍ സ്വീകരിക്കുമെന്ന്‌ ജില്ലാ കളക്‌ടര്‍ യു.വി. ജോസ്‌. ജില്ലയിലെ സര്‍ക്കാര്‍ ഓഫീസുകളും പൊതുസ്ഥലങ്ങളും 18 മുതല്‍ 20 വരെ ശുചീകരിക്കും. മാര്‍ക്കറ്റുകള്‍, തുറസായ സ്ഥലങ്ങള്‍, കളിസ്ഥലങ്ങള്‍, പാര്‍ക്കുകള്‍, നിര്‍മാണം നടക്കുന്ന കെട്ടിടങ്ങള്‍ തുടങ്ങിയവ ശുചിത്വമിഷന്‍, തദ്ദേശസ്വയംഭരണ സ്ഥാപനങ്ങള്‍, പൗരസംഘടനകള്‍, സന്നദ്ധ സംഘടനകള്‍, റസിഡന്റ്‌സ്‌ അസോസിയേഷനുകള്‍, കുടുംബശ്രീ എന്നിവയുടെ ആഭിമുഖ്യത്തില്‍ വൃത്തിയാക്കും. 

ഡെങ്കിപ്പനി പ്രതിരോധിക്കുന്നതിന്‌ ടയര്‍ നന്നാക്കുന്ന കടകള്‍, ആക്രിക്കടകള്‍, തെരുവില്‍ കരിക്ക്‌ വില്‍ക്കുന്ന കടകള്‍ എന്നിവ സന്ദര്‍ശിച്ച്‌ മഴവെള്ളം കെട്ടിനിന്ന്‌ കൊതുക്‌ വളരുന്ന സാഹചര്യം ഒഴിവാക്കും. യജ്ഞത്തില്‍ എല്ലാ വകുപ്പുകളും പൊതുസംഘടനകളും സഹകരിക്കുമെന്ന്‌ ജില്ലാ കളക്‌ടര്‍ അറിയിച്ചു.

..

സ്‌കൂള്‍ തുറക്കുന്നു: ഇനി വിലക്കയറ്റത്തിന്റെയും നാളുകള്‍ 

ഉഴവൂര്‍: സ്‌കൂള്‍ തുറക്കാന്‍ ദിവസങ്ങള്‍ മാത്രം അവശേഷിക്കെ വിലക്കയത്തിന്റെയും നാളുകളാണ്‌ വരാന്‍ പോകുന്നത്‌. ഇന്ധനവില കുത്തനെ ഉയര്‍ന്നതിനു പിന്നാലെ മാര്‍ക്കറ്റില്‍ വിലക്കയറ്റമാണ്‌ വരുന്നത്‌. പഴം, പച്ചക്കറി, മത്സ്യം, പലവ്യഞ്‌ജനങ്ങള്‍ക്ക്‌ ഇന്നലെത്തന്നെ വില ഉയര്‍ന്നു. ലോറി വാടക വര്‍ധിച്ചു എന്ന പേരിലാണു പച്ചക്കറി മുതല്‍ മുട്ടവരെ ഉത്‌പന്നങ്ങള്‍ക്ക്‌ വില വര്‍ധിപ്പിച്ചത്‌. വരുംവാരത്തില്‍ വില വീണ്‌ടും ഉയരുമെന്നാണ്‌ സൂചന. പാല്‍ വിലയിലും വൈകാതെ വര്‍ധനയുണ്‌ടാകുമെന്നാണ്‌ സൂചന.

ശനിയാഴ്‌ച പെട്രോളിന്‌ 3 രൂപ 15 പൈസയും ഡീസലിന്‌ 2 രൂപ 71 പൈസയുമാണ്‌ വര്‍ധിച്ചത്‌. അന്താരാഷ്‌ട്ര വിപണിയില്‍ ക്രൂഡ്‌ ഓയില്‍ വില കൂടിയ സാഹചര്യത്തില്‍ എണ്ണക്കമ്പനികള്‍ വില ഉയര്‍ത്തി എന്നതിന്റെ പേരില്‍ യാതൊരു മാനദണ്ഡവുമില്ലാതെയാണ്‌ ഇന്ധനവില വര്‍ധിപ്പിച്ചത്‌. ബസ്‌ ചാര്‍ജ്‌ വര്‍ധിപ്പിക്കണമെന്ന ആവശ്യവുമായി വൈകാതെ ബസുടമകളും രംഗത്തുവരും. 

കഴിഞ്ഞമാസം 30നും പെട്രോള്‍, ഡീസല്‍ വില വര്‍ധിപ്പിച്ചിരുന്നു. പെട്രോളിന്‌ 3.96 രൂപയും ഡീസലിന്‌ 2.37 രൂപയുമാണ്‌ ലിറ്ററിന്‌ അന്ന്‌ കൂട്ടിയത്‌. പുതിയ വര്‍ധനവോടെ കഴിഞ്ഞ 15 ദിവസത്തിനുള്ളില്‍ പെട്രോളിന്‌ ഏഴു രൂപയും ഡീസലിന്‌ അഞ്ച്‌ രൂപയുമാണ്‌ വര്‍ധിച്ചിരിക്കുന്നത്‌. ഇക്കഴിഞ്ഞ മാര്‍ച്ച്‌ ഒന്നിന്‌ പെട്രോളിന്‌ 3.18 രൂപയും ഡീസലിന്‌ 3.09 രൂപയും വര്‍ധിപ്പിച്ചിരുന്നു. ഫെബ്രുവരി 16ന്‌ പെട്രോളിന്‌ 82 പൈസയും ഡീസലിന്‌ 61 പൈസയും വര്‍ധിപ്പിച്ചു. 

റബര്‍, കപ്പ വിലയിടിവില്‍ നട്ടംതിരിയുന്ന കര്‍ഷകര്‍ക്ക്‌ ഇന്ധവിലയിലെ വര്‍ധന തിരിച്ചടിയായിരിക്കുകയാണ്‌. നാണ്യവിളകള്‍ക്ക്‌ വില കുറയുന്ന സാഹചര്യത്തില്‍ അവശ്യസാധനങ്ങള്‍ക്കു വില വര്‍ധിക്കുന്നു. സ്‌കൂള്‍ തുറക്കല്‍ സീസണില്‍ സാമ്പത്തികച്ചെലവ്‌ താങ്ങാനാവാത്ത കര്‍ഷകര്‍ക്ക്‌ ഇന്ധനവില വര്‍ധന കനത്ത തിരിച്ചടിയായിരിക്കുകയാണ്‌.

..

add8

ആരോഗ്യം


ജിവിക്കാൻ വേണ്ടി കഴിക്കാം

ജീവിതം ഫാസ്റ്റ് ആയപ്പോൾ ഭക്ഷണവും ഫാസ്റ്റ് ആയി. കൈയിലൊരു കളർപാക്കറ്റും സോഫ്റ്റ് ഡ്രിങ്ക്സുമായി നടക്കാത്ത ഏത് മലയാളിയാണ് ഉള്ളത്. തെറ്റായ ജീവിതചര്യയും അശാസ്ത്രീയമായ ആഹാരരീതിയും ആയപ്പോൾ ഭക്ഷണത്തോടൊപ്പം മരുന്നും കഴിക്കേണ്ട അവസ്ഥയാണ് ഇന്ന് മലയാളിക്ക്. ഒരു നേരത്തെ ഭക്ഷണം കഴിക്കുവാൻ സാധിച്ചില്ലെങ്കിൽ, സന്തോഷത്തോടെയാണ് മലയാളി ചിപ്സും സോഫ്റ്റ്ഡ്രിങ്ക്സും കൊണ്ട് അഡ്ജസ്റ്റാവുക. പക്ഷേ ഇവ തരുന്ന രുചിക്കുമപ്പുറമാണ് ഇവ തരുന്ന രോഗം. ലൈഫ് സ്റ്റൈൽ രോഗങ്ങൾ പ്രായഭേദമന്യേയാണ് ഇന്ന് കടന്നുവരുന്നത്. പ്രധാനമായ പോഷകഘടകങ്ങൾ അടങ്ങാത്ത ഭക്ഷണത്തെയാണ് നാം ജങ്ക് ഫുഡ്സ് എന്ന് വിളിക്കുക. ഇവയിൽ പ്രോട്ടീനോ വൈറ്റമിനുകളോ മിനറലുകളോ ഇല്ല. എന്നാൽ ഉപ്പ്, കൊഴുപ്പ്, കലോറി എന്നിവ ഉയർന്ന അളവിലുമുണ്ട്. ദിവസവും ജങ്ക് ഫുഡ് കഴിക്കുന്ന കുട്ടികളിൽ പോഷകാഹാര കുറവുകൾ കാണുവാൻ സാധിക്കും. പല്ലുകൾ വേഗത്തിൽ നശിക്കുകയും ചെറിയ പ്രായത്തിൽ തന്നെ അമിതവണ്ണവും കണ്ടുതുടങ്ങും.ലോകത്തിന്റെ ശരാശരി രുചിക്കടുത്ത് പിടിച്ചു നിർത്തുകയാണ് ആഗോള ആഹാര രസതന്ത്രം. റോഡുവക്കിൽ നിന്ന് ലഭിക്കുന്ന ഫാസ്റ്റ് ഫുഡിലൂടെ ഒരുതരം ഭ്രാന്തൻ രൂചിയാണ് നമുക്ക് ലഭിക്കുക. കറിയുണ്ടാക്കുന്ന ചട്ടിയിലേക്ക് കറിക്കൂട്ടിനൊപ്പം വിവിധതരം വിഷങ്ങളാണ് ചേരുന്നത്. എന്തിനെറേ പറയുന്നു അടുക്കളയിലെ മുഖ്യഘടകമായ ഉപ്പിൽ പോലും മഗ്നീഷ്യം കാർബണേറ്റ്, സിലിക്ക ഡൈ ഓക്സൈഡ് എന്നീ പ്രമുഖരാണ് ഉള്ളത്. അസുഖം എപ്പോൾ വണ്ടിപിടിച്ചെത്തി എന്ന് ചോദിച്ചാൽ മതി. സിനിമാ പോസ്റ്ററുകൾ ഒട്ടിക്കാൻ ഉപയോഗിക്കുന്ന, അമേരിക്കയിൽ നിരോധിച്ച മൈദയാണ് ഇന്ന് മലയാളി ഏറ്റവും കൂടുതൽ ഭക്ഷിക്കുന്നത്. വിഷം ഇല്ലാത്ത ഭക്ഷണം കിട്ടുന്ന കേരളം ഇന്ന് വെറും ഓർമ്മയായി മാറുകയാണ്. ..

ശുചിത്വം ശീലമാക്കി മഴക്കാലരോഗമകറ്റാം

ഉഴവൂര്‍: തോരാ മഴയ്ക്ക് അരുതി വന്നു തുടങ്ങി. കാലാവസ്ഥയിലെ പെട്ടെന്നുള്ള ഈ മാറ്റം പകര്‍ച്ച വ്യാധികള്‍ക്ക് കാരണമാകാം. ശക്തമായ മഴയില്‍ കുടിവെളള സ്രോതസുകള്‍ മലിനമാകാനും സാധ്യതയുണ്ട്. ജലജന്യ രോഗങ്ങളായ മഞ്ഞപിത്തം, വയറിളക്ക രോഗങ്ങള്‍, ടൈഫോയ്ഡ് തുടങ്ങിയ രോഗങ്ങള്‍ പലഭാഗത്ത് നിന്നും റിപ്പോര്‍ട്ട് ചെയ്ത് തുടങ്ങി. ഇതിനാല്‍ മുന്‍കരുതലുകള്‍ സ്വീകരിക്കണമെന്ന് ആരോഗ്യ വകുപ്പ് ഉദ്യോഗസ്ഥര്‍ പറയുന്നു. തിളപ്പിച്ചാറിയ വെളളംമാത്രം കുടിക്കുക, പഴകിയതും വഴിവക്കുകളില്‍ മലിനമായ സാഹചര്യങ്ങളില്‍ ഉണ്ടാക്കുന്നതുമായ ആഹാരസാധനങ്ങള്‍ തീര്‍ത്തും ഒഴിവാക്കുക, ആഹാരസാധനങ്ങള്‍ എപ്പോഴും അടച്ചു സൂക്ഷിക്കുക, പഴങ്ങളും പച്ചക്കറികളും നല്ലവണ്ണം കഴുകിയതിന് ശേഷം മാത്രം ഉപയോഗിക്കുക, കിണറ്റിലെ ജലം മലിനപ്പെടാതെ സൂക്ഷിക്കുക, ആഴ്ചയിലൊരിക്കലെങ്കിലും ബ്ലീച്ചിങ് പൗഡര്‍ ഉപയോഗിച്ച് കിണര്‍ വെളളം ക്ലോറിനേറ്റ് ചെയ്യുക, കുഞ്ഞുങ്ങള്‍ക്ക് മുലപ്പാല്‍ കഴിയുന്നത്ര കാലംനല്‍കുക, കുപ്പിപാല്‍ ഒഴിവാക്കുക, ആറ്മാസം പ്രായം വരെ മുലപ്പാല്‍ മാത്രം മതിയാകും. ആഹാരം കഴിക്കുന്നതിന് മുമ്പും കഴിച്ചതിന് ശേഷവും കൈകള്‍ സോപ്പുപയോഗിച്ച് കഴുകുക, മലവിസര്‍ജനത്തിന് ശേഷം കൈകള്‍ സോപ്പുപയോഗിച്ച് കഴുകുക, തുറസായസ്ഥലത്ത് മലമൂത്ര വിസര്‍ജ്ജനം ഒഴിവാക്കുക, വീടുകളുടെ പരിസരത്തെ മാലിന്യങ്ങള്‍ സുരക്ഷിതമായി നീക്കുക, ഈച്ചശല്യം ഒഴിവാക്കുക, കൈകാലുകളിലെ നഖംവെട്ടി വൃത്തിയായി സൂക്ഷിക്കുക (പ്രത്യേകിച്ചും കുഞ്ഞുങ്ങളുടെ), സ്‌കൂള്‍ പരിസരങ്ങളില്‍ വില്‍ക്കപ്പെടുന്നതായ ഐസ്‌ക്രീം, ശീതള പാനീയങ്ങള്‍ തുടങ്ങിയവ കഴിക്കുന്നതില്‍ നിന്നും കുട്ടികളെ നിരുത്സാഹപ്പെടുത്തുക. വയറിളക്കം പിടിപ്പെട്ടാല്‍ ആരംഭം മുതല്‍ തന്നെപാനീയ ചികിത്സ തുടങ്ങണം. ഒ.ആര്‍.എസ്.മിശ്രിതമോ വീടുകളില്‍തന്നെ ലഭ്യമായ ഉപ്പിട്ട കഞ്ഞി വെളളം, കരിക്കിന്‍ വെളളം, ഉപ്പും പഞ്ചസാരയും ചേര്‍ത്ത നാരങ്ങാ വെളളം, ഉപ്പിട്ട മോരിന്‍വെളളം തുടങ്ങിയവയെല്ലാം പാനീയ ചികിത്സയായി ഇടവിട്ട് കൊടുക്കേണ്ടതാണ്. അതോടൊപ്പം തന്നെ ആരോഗ്യ പ്രവര്‍ത്തകരെ വിവരമറിയിക്കുകയും വിദഗ്ധ ചികിത്സ തേടുകയും വേണം. കടുത്ത രോഗാവസ്ഥയില്‍ ഒട്ടും തന്നെ താമസിക്കാതെ വിദഗ്ധ ചികിത്സ തേടേണ്ടതാണെന്നും ഡിഎംഒ അറിയിച്ചു...

ഗട്ടറുകളില്‍ വീഴാതെ നോക്കുക, വീണാല്‍ ചികിത്സ അനിവാര്യം

ഉഴവുര്‍: മഴയോടു കൂടി റോഡുകളെല്ലാം കുും കുഴിയുമായി. ദേശീയ നിലവാരത്തില്‍ ടാറിംഗ് പൂര്‍ത്തിയാക്കിയ കെ.ആര്‍. നാരായണന്‍ ഹൈവേയും തകര്‍ന്നു തുടങ്ങി. റോഡുകളിലെ ഗട്ടറുകളും കാനകളും വാഹനങ്ങള്‍ക്കു മാത്രമല്ല, യാത്രക്കാര്‍ക്കും ഗുരുതരമായ ആരോഗ്യപ്രശ്‌നങ്ങളുണ്ടാക്കുന്നതായി ആരോഗ്യ വിദഗ്ദര്‍ പറയുന്നു. പതിവായി ടൂവീലര്‍ ഉപയോഗിക്കുന്ന ഏറെപ്പേര്‍ക്കും നടുവേദനയ്ക്കും ഞരമ്പുക്ഷതത്തിനും സാധ്യത കൂടുതലാണ്. ബൈക്കുകളുടെ പിന്‍യാത്രക്കാര്‍ക്കാണ് കൂടുതല്‍ ക്ഷതമുണ്ടാകുക. റോഡ് തകര്‍ന്നതോടെ നടുവേദനക്കാരുടെ എണ്ണത്തില്‍ എല്ലാ ആശുപത്രികളിലും വലിയ വര്‍ധനയുണ്ട്. ബൈക്കില്‍ നിന്നും അല്ലാതെയും കുഴികളില്‍ വീണ് ഒടിവും ചതവും മുറിവുമായി എത്തുന്നവരും കുറവല്ല. നട്ടെല്ലിനു പൊട്ടലുണ്ടായവരുമുണ്ട്. നട്ടെല്ലിന്റെ ഡിസ്‌കുകള്‍ക്കാണ് ഏറ്റവും ക്ഷതം സംഭവിക്കുന്നത്. ഇത് ഭാവിയില്‍ തലവേദന, കഴുത്തുവേദന, കുനിവ് തുടങ്ങിയ പ്രശ്‌നങ്ങളായി മാറാം. തിരുമ്മല്‍, കിഴി തുടങ്ങിയ ചികിത്സകള്‍ ഈ പരിക്കുകള്‍ക്ക് ഏറെ പ്രയോജനകരമാണ്. റോഡ് നന്നായിട്ട് വാഹനം ഓടിക്കാമെന്നോ യാത്ര ചെയ്യാമെന്നോ കരുതിയാല്‍ അതു ഇവിടെ നടപ്പുണ്ടാകില്ല. ഗട്ടറുകള്‍ പരമാവധി ഒഴിവാക്കുക, വേഗം കുറച്ചുപോകുക എന്നിവയാണ് പോംവഴി. വലിയ കുഴികള്‍ കണ്ടാല്‍ ബൈക്ക് നിറുത്തി ഉന്തിക്കൊണ്ടുപോകുന്നതായിരിക്കും ഇപ്പോഴത്തെ നിലയില്‍ ഭേദം. കഴിവതും ടൂവീലര്‍, ഓട്ടോ യാത്ര ഒഴിവാക്കുക. ഗര്‍ഭിണികള്‍ ഗട്ടര്‍ റോഡിലൂടെ ടൂവീലര്‍ ഓടിക്കരുത്. വെള്ളക്കെട്ടുള്ള സ്ഥലങ്ങളിലെ കുഴികള്‍ ശ്രദ്ധയില്‍ പെടണമെന്നില്ല. കഴിവതും വെള്ളക്കെട്ട്് ഒഴിവാക്കി വാഹനങ്ങള്‍ വേഗം കുറച്ച് പോകുക.തൈലം, കുഴമ്പ് എന്നിവ തേച്ച് വൈകുന്നേരം ചൂടുവെള്ളത്തില്‍ കുളിക്കുന്നത് നന്ന്. ബസ് പോലുള്ള വലിയ വാഹനങ്ങളില്‍ കഴിവതും മുന്‍വശത്തെ സീറ്റുകളില്‍ ഇരിക്കാന്‍ താത്പര്യപ്പെടുക തുടങ്ങിയവയാണ് ആരോഗ്യ വിദഗ്ദര്‍ ചൂിക്കാട്ടുന്ന പരിഹാര നിര്‍ദ്ദേശങ്ങള്‍..

വേദനരഹിത പ്രസവത്തിന് അത്യാധുനിക സൗകര്യങ്ങളുമായി കേരളത്തിലൊരു സര്‍ക്കാര്‍ ആശുപത്രി ഒരുങ്ങുന്നു

ഉഴവൂര്‍: പാട്ടുകേട്ടും സിനിമയും, കോമഡികളുമൊക്കെ കണ്ട് പ്രസവം ആസ്വാദ്യകരമായ ആനുഭവമാക്കാന്‍ കേരളത്തില്‍ ഒരു സര്‍ക്കാര്‍ ആശുപത്രി ഒരുങ്ങുന്നു. പുനലൂര്‍ താലൂക്ക് ആശുപത്രിയെ കുറിച്ച് ദീപിക പത്രത്തിലാണ് ഈ വാര്‍ത്ത വന്നത്. വാര്‍ത്തയിലെ ആശുപത്രി വിശേഷങ്ങള്‍ ഇങ്ങനെ. ആരോഗ്യ കേരളം പദ്ധതിയില്‍ 20 ലക്ഷം രൂപ ചെലവഴിച്ച് വാങ്ങിയ അത്യാധുനിക പ്രസവോപകരണങ്ങളാണ് ലേബര്‍ റൂമിലെ പ്രധാന ആകര്‍ഷണം. ഇലക്‌ട്രോണിക് നിയന്ത്രിത കിടക്കയായ ലേബര്‍ കോട്ടുകളാണ് ഇനിമുതല്‍ പ്രസവത്തിനായി താലൂക്കാശുപത്രിയില്‍ ഉപയോഗിക്കുക. ഓരോരുത്തരുടേയും ഇഷ്ടാനുസരണം ആഗ്രഹിക്കുന്ന രീതിയില്‍ ഇരുന്നോ, കിടന്നോ, ചാരിക്കിടന്നോ പ്രസവിക്കാന്‍ പാകത്തില്‍ ലേബര്‍ കോട്ടുകള്‍ ക്രമീകരിക്കാനാകും. രണ്ടര ലക്ഷം രൂപ വീതം വിലയുള്ള രണ്ട് കിടക്കകളാണ് ഇതിനായി പുതിയ ലേബര്‍ റൂമില്‍ ക്രമീകരിച്ചിരിക്കുന്നത്. പ്രസവിക്കുന്ന സമയം ഗര്‍ഭിണികള്‍ക്ക് സിനിമാ ഗാനങ്ങളോ, ആല്‍ബം പാട്ടുകളോ കേട്ട് ആസ്വദിക്കുന്നതിനുള്ള സൗകര്യവും ആശുപത്രി അധികൃതര്‍ ലേബര്‍ റൂമില്‍ സജ്ജമാക്കിയിട്ടുണ്ട്. പ്രസവിക്കുന്നവരുടെ കൈകള്‍ മൃദുവായി ചെറിയ രീതിയില്‍ ബന്ധിപ്പിക്കുന്നതിനും കാലുകള്‍ നന്നായി ഉറപ്പിക്കുന്നതിനുമുള്ള സംവിധാനവും ഇതില്‍തന്നെ ഏര്‍പ്പെടുത്തിയിട്ടുണ്ട്. പ്രസവ സമയത്ത് രക്തസ്രാവമുണ്ടാകുമ്പോള്‍ അത് ശേഖരിക്കുന്നതിന് പ്രത്യേകതരം ഡ്രേയും കിടക്കയില്‍തന്നെ ഘടിപ്പിച്ചിട്ടുണ്ട്. ലേബര്‍ കോട്ടിന് സമീപം സജ്ജമാക്കിയിട്ടുള്ള എല്‍സിഡി ടിവിയില്‍ അവരവര്‍ക്ക് ഇഷ്ടമുള്ള സിനിമയോ, മെഗാസീരിയലുകളോ, കോമഡി പ്രോഗ്രാമുകളോ, കാണുന്നതിനും സൗകര്യമൊരുക്കിയിട്ടുണ്ട്. കൂടാതെ ഗര്‍ഭിണിയുടെ മാനസിക പിരിമുറുക്കങ്ങളും, ഭയാശങ്കകളുമകറ്റി ധൈര്യം പകരുന്നതിനായി ഏറ്റവും അടുത്ത ബന്ധുക്കളെ കൂട്ടിരിപ്പിനായി ലേബര്‍ കോട്ടിന് സമീപം നിര്‍ത്തുന്നതിനും സൗകര്യമുണ്ട്. ഡോക്ടര്‍മാര്‍ക്കും നഴ്‌സുമാര്‍ക്കും പ്രത്യേകമായ വിശ്രമമുറി, പ്രസവത്തിന് തയ്യാറാകുന്ന ഗര്‍ഭിണികള്‍ക്ക് വിശ്രമിക്കാനുള്ള മുറി, സ്റ്റോര്‍ റൂം, സിനിമാ റൂം, ടോയ്‌ലെറ്റ് എന്നിവയും വെവ്വേറെയായി ക്രമീകരിച്ചിരിക്കുന്നുവെന്നതും ലേബര്‍ റൂമിന്റെ എടുത്തു പറയത്തക്ക പ്രത്യേകതയാണ്. രണ്ടു പേര്‍ക്ക് ഒരേ സമയം പ്രസിവിക്കാനും മറ്റ് രണ്ടുപേരെ നിരീക്ഷണത്തില്‍ കിടത്താനും സെന്‍ട്രലൈസ്ഡ് എസി സംവിധാനമുള്ള ലേബര്‍ റൂമില്‍ സംവിധാനം ഒരുക്കിയിട്ടുണ്ട്...

uzhavoor plot Plot For Sale Plot for sale Ayurvadam Alfine Group Anna Treesa Medicals

ജന്മദിനാശംസകൾ

വിവാഹിതരായി

വിവാഹവാര്‍ഷികം

പാവനസ്മരണക്ക്

423*90